[COLOR=red]عيد بن عبيد " صحيفة عين حائل "[/COLOR]

رسالة المعلمين إلى خادم الحرمين الشريفين

[poem=font="Arabic Transparent,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

الولاء لله ثم لْك يا أبو متعب=نثبته ونصونه ولا نخون نصوصه
ويا حبيب الشعب هذي رسالة منا=بأمر حاصل ودنا نبلغك بخصوصه
ياحبيب الشعب عطنا حفظك الوالي=حقنا تكفى ترى بطونّا ممغوصه
من ثلاث سنين نركض ورى مطلبنا=لين هذا اليوم وحقوقنا منقوصه
وأنت لا مديت مدتك ما نجحدها=وافية وتعم شعبك ماهي مخصوصه
وأنت لا صدرت صدرت الأمر السامي=والهبيل اللي يبي يشق به ويحوصه
وغير هذا عندنا علم ياوالدنا=دايمٍ نوحيه وآذانّا مقروصه
الفساد معششٍ في مواضع واجد=مير قبل يزيد بيضه ويدرج صوصه
اضرب بعدلك على هامة المتمادي=وكان طاح الخاتم تطيح معه فصوصه
وأنت تعرفنا وتعرف بعد وقفتنا=وتعرف ان أرقابنا بالعهد مقلوصه
بيعةٍ ماهيب تنقض لظرفٍ طاري=دام تحكيم الشريعة مابان نكوصه
والسفيه اللي بزعمه يبي يفرقنا=ما علينا من دعاويه ومن خروصه
نسفهه ونسكر أسماعنا عن صوته=وان حدانا نرد خشمه على عصعوصه
خابت الغربان ونعيقها حيلتها=وخاب مشروع المخطط وخاب قنوصه
والله انا غير لنموت من قاصينا=ولا تطيح بهالوطن لبنةٍ مرصوصه
[/poem]

[COLOR=red]( قصيدة ) للمعلم مضيان الرشيدي[/COLOR]