[COLOR=red]نهر العطاء[/COLOR]

[IMG]https://pbs.twimg.com/media/BU4K1idCIAAivMh.jpg[/IMG]

[poem=font="Simplified Arabic,5,black,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بسـم الله الرحمـن رب السمــاوات = المالـــك المعبــــود رب العبــــادي
سبحانه اللي يبعث العبـد لا مـات = و يحاسـب المخلــوق يــوم المعـــادي
فيـه القصايـد نبتديـهـا و الأبيــات = من لا ذبـه ماهـو عـن الـدرب غـادي
و من بعدها جينا نصـوغ العبـارات = ونشـارك الشعّـار بإسمـى المبـــادي
جينـا نلبـي مـن قصـدنـا بدعـوات = عاداتنـــا دايـــم نجيـــب المنـــادي
في محفـل الأمجـاد رمـز الحضـارات = جينـا نصـوغ الشعـر عنبـر وكــادي
لهـل الحفـل نرفـع ســلام و تحيــات = أهـلاً وسهـــلاً عـــد ماســـال وادي
نقولهـــا بالحفـــل مـــرة ومـــرات = حياّكــــم الله والمشاعــــر تنـــادي
نهدي لكم من مشتل الشعر باقات = أزكى من أنسـام الصبـا والبــرادي
في مسـرح التعليـم نرفـع شعـارات = يعيـش أبو متعـب وتحيــا بــلادي
ملك ملـك ماهـو بحاجـة شهـادات = يشهـد لــه التاريــخ عــدلٍ قيــادي
مـن أبـرز أفكـاره حــوار الديانــات = و اثق مـن إسلامـه فطيــنٍ حيــادي
للديـــن والإســـلام أنشــــأ وزارات = الحـــج و الأوقــــاف والخيــــر زادي
ومشّى للأيتـام الفقـارى معاشـات = تدعي لـه بليـل الدياجــي آيــادي
أصدر علـى شـان المواطـن قـرارات = حتـى يعـم الخيــر كــل البــوادي
حقق لجل شعبه جميع الطموحـات = نهر العطاء منه الجميع استفـادي
شعبه يحبّه حب ماهـي مــراوات = شعبـه يحبّـه حـب ما هــو بعــادي
ندعي لبو متعب طهور وسلامات = و عسى الرخـى بالمملكـة بإزديـادي
والله يعـز الـدار شعــب وقيــادات = و الله يديــم الأمــن هــذا المــرادي
واختامها صلـوا كثيـر الصــلاوات = للــي دعانــا للهــدى و الرشـــادي
[/poem]

[COLOR=blue]الشاعر / نايف العبيد العتيبي

( صحيفة عين حائل الإخبارية ) خـاص [/COLOR]