الناس من خلقة بها الماس ونحاس
فيها ذهب صافي وفيها قصادير
متخالفين الطبع والعرف والباس
وكلً يقدم من الموارد معايير
مار البلاء وان صار صاحّبك لاباس
منزوع منّه المعرفه و التعابير
يجرح شعورك وانت بالحيل حساس
ومنين ماهب الهواء جت معاصير
(كسّبّت ندم) مافادبه عس عساس
راحت على ماقيل مثل المقادير
وش عاد لو جده مثل فعل جساس
مقدام زيزوم الجهامه على الزير
ما ينفعه عرقً لو العرق دساس
علم الوراثه ما لقوله مداوير
آمنت بالله وكل شيً له قياس
مالي ومالكِ ياحياة المحاسير
عقيل بن صبر الدليقم
