اليوم الوطني ٨٩
كل عام وانت بخير ياعز الاوطان
يامهبط الوحي السماوي نهنيك
عساك دايم في رغد عيش وآمان
دب الدهر رب السموات يحميك
في ظل سلمان وولي عهد سلمان
شعب ، وقيادة كل ابونا نفاديك
مهوى الحجيج وقبلته عبر الازمان
وبيت الله وطيبه وقبر النبي فيك
منهل سخا للخير تبقى والاحسان
منارةٍ للدين ، طابت مساعيك
عبدالعزيز الفيصلي طير حوران
ياموطني اسس قواعد مبانيك
دستوره القران ، منهج وبرهان
وسنة رسول الله وبالسيف حاميك
ياموطني حكامك رجال شجعان
اخوان نورة ترهب اللي يعاديك
آل السعود مرجحة كل ميزان
تاطى على غارب عدوّك وشانيك
والشعب واحد كلنا عون واخوان
ارواحنا فدوة سهولك واراضيك
ويعيش امير المنطقة ذرب الايمان
عبدالعزيز ونعم والحي يحييك
مع نايبه فيصل نزل كل ميدان
حرصٍ على شان المواطن وتشييك
واختامها يالله يانور الاكوان
تحفظ قيادتنا مع الشعب ندعيك
