[ALIGN=CENTER][COLOR=red]"الشيخ/ فهدالزبن ياعل ملفـاك للجنة"[/COLOR]

الشيخ/ فهد بن زبن الغريري ألأسلمي الشمري .رحل عن هذه الدنيا مع بعض أبناءه وأحدى زوجاته.أثر حادث على طريق الدمام حفرالباطن.قبل فترة..رحمهم الله جميعاً برحمته الواسعة..فكان لتلك الخبر وقع الصاعقة عليّ..فلن أنسى هذا ألأنسان القدير والغالي صاحب المواقف الطيبة معي ومع الكثيرين.. فلم ولن أملك ألأ أن أقول [/ALIGN]:

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياعل ملفـاك للجنـة مـع الصالحيـن=اللي تفطّـر قلـوب آلاف مـن موتهـا
يافهد يابو زبن حتى الجبـل لـه حنيـن=ومن موتتك كم نفـسٍ حاربـت قوتهـا
هـز القبيلـة مماتـك يانـدي اليميـن=وشيوخ من غير شمر كفـو ..ببشوتهـا
يانسل حاتـم وياوارثـه بالطيـب زيـن=يافخرنـا بالسخاء..يامنومـس إبتوتهـا
كل القصايد بشخصك له نصيـبٍ ثميـن=لأنـه تقـول الحقيقـة معلنـة صوتهـا
أنت أنت فوق المدايـح فوقهـا مرتيـن=لاوالله ألأ أمــرار أمــرار وتفوتـهـا
يافـارج الضيـق بأمـرالله للضايقيـن=وأنا من اللي لمـس فزعتـك بإثبوتهـا
لكن طلبتن أكف الشعر عـن كـل عيـن=فيـك أنت..نفـذت طلباتـك وجبروتهـا
واليوم مابه مجال أسكت..يمين ويميـن=لاصير خصـمٍ لمـن تنكـرك بكروتهـا
ماألحزن لغرير.وألأسلم. وشمر..شويـن=لاوالله ألأ:دهر..لـو يجـثـم سكوتـهـا
جعل العوض في عيالك..من ربوا بالعرين=اللـي بهـم تربيتـك تـعـز ياقوتـهـا
أشبـال ذاك ألأسد..عـيّـال متعلمـيـن=يحماهـم الله مـن بيـاعـة بخوتـهـا
وانا علن مـن هنا..خصـمٍ لمتنكريـن=سخاك.من شيـخ شيخانـه لسربوتهـا
والله يجبر عزا شمـر سنيـن وسنيـن=ويعيـن ألأشبـال عقبـك يابراشوتـهـا
وانا بخدمـة عيالـك يالعزيـز الظنيـن=معروفك أكبرمـن أشعـاري ومكبوتهـا
ياحرق قلبي عليـك.ووالله إنـي حزيـن=حـزنٍ يفـت الكبـود ويحـرق ابيوتهـا
لاالنوم خلي ولاالسهر السعيـد الخديـن=ضاعـت علـى السعـادة ياملاكوتـهـا
يازبن. يا أكرم .ويا يا.يابقايـا العريـن=أنـا فداكـم بمكشـوفـه ومغموتـهـا
وياعل ملفـاك للجنـة مـع الصالحيـن=اللي تفطّـر قلـوب آلاف مـن موتهـا
[/poem]

[COLOR=blue]الشاعر :مطلق البخيتان

" خاص عين حائل "[/COLOR]