[ALIGN=CENTER][COLOR=red]ياطول حزني[/COLOR]

ضمن مراثيي في زوجتي أم سالم رحمها الله برحمته الواسعة وأسكنها فسيح جناته..بعدما سمعت قصيدة الشاعر المعروف/ مساعدالرشيدي..(الكنة)..تهيضت فقلت [/ALIGN]

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
عذب السجايا دموع العين يرثنه = باللحد الأظلم عليه القاع مردومه
من غيرماصف وصوف الحور يشدنه = اللي فراقه جعل دنياي مكتومه
لو ذاق حزني ملاك الموت مااظنه = شاله وخلا لي الوغدان وهدومه
يامرَّها لا سمعت من الوغد ونَّه = ياشينها فاجعات الوقت وسلومه
قالوا يبه وَدَّنا..قم ودَّنا الجنَّه = نبي نشوف أمَّنا وننام بكمومه
يبون مثل خوياهم والجدا ونَّه = آمنت في دبرة الخالق ومقسومه
ياطول حزني عليها مااقدرآكنَّه = ماينفعن ليت لي يومٍ قبل يومه
اثنا عشر عام عجزن لا ينسنَّه = موته لقلبي زمهريره وزقو مه
هي جنَّةٍ ذقتها غيري سمع عنَّه = مايرومه الوصف مهما جاد مايرومه
ياوسع عذر الدموع ليا تباكنَّه = مالي جدا إلاَّ الونين وقول مرحومه
حنَّيت حنَّة خلوجٍ شالته دنَّه = وحوارها شوف عينه قسمت لحومه
وونيت لي ونَّةٍ ماونته شنَّه = بيد العقيدي من المسحوب مهمومه
وارسلت له صيحة ماعودت منَّه = ولازلت آراجي بشير الخير بعلومه
عساه بالخلد والانهار يسقنَّه = في روضةٍ من رياض الخير محشومه
وصلاة ربي عدد طشٍ يهلنَّه = غرَّ السحايب على محمد وتسلومه

[/poem]

[COLOR=blue]مطلق البخيتان
"عين حائل " خاص[/COLOR]