[COLOR=red][SIZE=4][ALIGN=CENTER]يا بشت يا جعل ألأرضه فيك تلقـى دريـب
.................................وألا تنـوش اللهب وألا ينوشـك لـهـب
لا صرت يا بشت ملبوس النسب والنسيب
.................................تكبر مع الرأس..وتكوبر على أطلق ذنـب
يا بشت يا بشت دامه ماحكـروك العريـب
................................والنذل دونك جـداه يقول(حامـض عنـب)
ماعاد لك عندنا قيمـة.. عويبـك عويـب
................................لا والله عواب..لا جـاوزت دقـن وشنـب
يا بشت لا يلبسك من كان طنبـه طنيـب
................................لا تكسي ألا أربعة..واللي سواهـم كـرب
اللـي حيـاض المنايـا يعتبرهـا كويـب
................................والشيخ شيخ الشريعة مـا يهـم النسـب
وراع الكرم واعسى ماينقفـل لـه بويـب
................................واللي بعمره ورى الستيـن مامـن عتـب
ومن غير ها ألأربعة يا بشت تصبح ذنيـب
...............................ما يلبسك غيـر مغـرور وسفيـه ورتـب
البشت ما يعالـج سبيـبٍ بـراع السبيـب
...............................ولو ينذخ التيس بذنبـة الخـروف يعقـب
وأنا ادري أن البشر بعضه طـلاه الجريـب
...............................بعضه وبعضه تعمق فيه وأصبـح جـرب
سعّرت في سوق شرق وجيت سوق الخبيب
..............................لقيـت ذولاعـرب لقـيـت ذولاعــرب
والسجن في (قونتنامو) فيك (يابو غريـب)
............................بالأمس ترقص طرب واليوم تصرخ نشـب [/ALIGN][/SIZE][/COLOR]