[ALIGN=CENTER]
[COLOR=red]شمّـر كـذا مـن خلقـت الدنـيـا ولافيـهـم ردي [/COLOR]

[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياشعر جيـت ومدهلـك فكـري .. ولـد عَـمْ القصيـد=فكـرٍ تحـرّضـه المـراجـل / والكـريـم الاجــودي
وانا مني بـ( الشاعر الراحل / طلال ابـن الرشيـد )=شاعر كبير بعيـن شعـري .. بـس : تـوي مبتـدي!!
ولـو ان جمهـوري ثمانيـن الـف قـل وش بستفيـد؟=لو ما كتبت الشعر في ( شمّر ).. وانـا مـن مولـدي ؛
( وانا.. وابوي .. وجدي نهيّر .. وابونا الشيخ : زيد )=منزالنا مابيـن .. حايـل / والمضيّـح وَ ( الجـدي )..
من طيبهم حتـى الغـلا .. اصبـح مـع الفتـره يزيـد=حـبٍ ورثتـه مــن جــدودي وآبـورثـه ولــدي
يا ( سيف ) .. قل لبيه : واسمع , مايجيـك إلا الأكيـد =..( شمّر كـذا مـن خلقـت الدنيـا ولا فيهـم ردي )!!
وإن شفت ( ذيب الشمري ).. اللّـي بفزعتنـا يشيـد =قل لـه : وعِـم الطيـب ؛ لـن الطيـب فيهـم يقتـدي
ربعك هل الطولات.. يـوم الجـوع / والوقـت الشديـد=كـم خاطـرٍ علـى سـنـا نيرانـهـم جــا مهـتـدي
والطفـل فيهـم مـن صغـر سنّـه وهـو تـوه ولِيـد=يستقبـل ضيوفـه مـع الترحيـب بالطـبـع الـهـدي
مايَقـدعـون ضيـوفـم إلا مــن التـمـر الـفـريـد=ولايبـهّـرون دلالـهـم إلا مــن الهـيـل الـنــدي
مايذبـحـون إلا السمـيـن / ومايـمـدون الـزهـيـد=( متوارثيـن الحاتمـيّـه / والعـطـاء السـرمـدي )
وإن عالـت العيّـال كـن قلوبـهـم قطـعـة حـديـد=مايرجـعـون إلا بـعـد مايـكـسـرون المـعـتـدي
حريبهـم لـ( التهلكـه ).. اقـرب مـن حبـال الوريـد=ورصاصهـم ياهـلَّ كـنّـه مــن مـراديـم بــردي
يا ( سيف ) هذا الصدق .. والا الكـذب ملعـون الكديـد=ماهو لنا وحنا ( بنـي عامـر ).. مـع العمـر المـدي
تاريخنـا حافـل مابيـن الأمـس / والـيـوم المجـيـد=واطفالنـا ترضـع لبنهـا مـوت .. ماترضـع ثــدي
يالله عسى طيب ( السهول ).. يـدوم والطيّـب رصيـد=وعسى ( طنايـا العـز ).. ذخـري ياتحرّيـت سنـدي
.. ( شمّر ).. هل الرايات / والأيات .. والذكـر الحميـد=واللي ذخرتـه عـن لسانـي .. عَمـدْ ذاخـره ليـدي
يستاهلـون الطيـب / خصـم العيـب .. مافيهـم نقيـد=ذولا : ( بعد حيّـي ).. منـي غلطـان ياقلـت : بعـدي
ومع كل طلعت شمس اكررهـا / واكررهـا .. واعيـد =( شمّـر كـذا مـن خلقـت الدنـيـا ولافيـهـم ردي ) [/ALIGN]

[/poem]

[COLOR=blue]الشاعر صالح السهلي يهدي قصيده لشمر
عين حائل[/COLOR]