[ALIGN=CENTER][COLOR=red]قصيدة ولدّت عدة قصائد ؟؟[/COLOR][/ALIGN]

[URL]http://www.youtube.com/watch?feature=player_embedded&v=yAl1xpXRilE[/URL]

[flash=http://youtube.com/v/player_embedded&v=yAl1xpXRilE]WIDTH=500 HEIGHT=400[/flash]

قصيدة لحماد الكثيري من أهل الحائط والمتوفي سنة 1363تقريباً .. وقصة القصيدة
إن أمير الحائط خليف بن جابر طلب من حماد أن يقصد وكان في مجلس خليف
فاستأذن حماد الأمير بأن يطلع ويشوف ويسوق النظر كوده يشوف حاجه تهيّضه للقصيد
وفعلاً شاف الحريم العصير حاشاتٍ الزرع وشايلات القصب , فرجع لمجلس خليف وسمّعه
القصيدة طبعاً القصيدة جاروها عدة شعراء , فأنا قلت لازم أساهم معاهم وإدلي بدلوي
اترككم مع القصائد . نبدأ بقصيدة حمّاد بن هندي الكثيري راعي الحائط :

[poem=font="Simplified Arabic,5,blue,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
واحش قلبي حـش زرعـن بدوبـه=بإرضن حشاك وحورفو للنجـازي
وياونتـي ونـة مريضـن عنوبـه=مريض غلـث وشـم دم البـرازي
على الذي ياخليف مانيـب صوبـه=لا هو ولد عمي ولا هـو مجـازي
العيـن عيـن موحّشـن شبكـوبـه=طيرة بحـر ماتنـزل الا النـوازي
والخد قرطاس الشريـف اكتبوبـه=اصفى من الكاغد على الشمع لا زي
وامبيسمن سلك الحريـر انظموبـه=أصفر عفر واعلو كهرب ومـازي

مجاراة رشيد ابن فوزان راعي المستجدة :

قلبي على الغالي تـوارد طنوبـه=تلّيتنـي ياشـوق تلّـة حجـازي
أبو نهودن شولعـن نقـش ثوبـه=حمرن ثمرهن بالتراقي لـوازي
والنفس ماهي عن المراد محجوبه=بس الهوى يهدّي رجالن عزازي

مجاراة ناصر الهيّاف راعي الغزالة :

وآتـل قلبـي تلتـيـنٍ بنـوبـه=وماني على فرقاك ياشوق عازي
أبونهودن مزّعـن جيـب ثوبـه=شبّت على وسط الضماير بقازي
العين عين اللي ورد جو جوبـه=متذيرن مـن ناقليـن الجهـازي
والراس ذيل مهيرتن صفّقوبـه=قامت تشوّح بالرجال الـدرازي

مجاراة راعي قفار عبدالله التميمي :

وآحالي اللي شـب فيهـا شبوبـه=شبّة صريفن شب بإنبوب غـازي
حافوه جهّال العـرب واشخطوبـه=وذع ذع له الغربي بروس النوازي
ذع ذع له الغربي وصدّق هبوبـه=لو هازه الهـوّاز مالـه مهـازي
أبو نهيـدن مزّعـن جيـب ثوبـه=هافي حشى كنّه عن الزاد عـازي
راع الهوى لو هو بـري اذنبوبـه=وأنا أحمد الله ماختم في جـوازي
الحب قبلي نـاس قـد سولفوبـه=وأنا بعد غـزّاي بإتلـى المغـازي

وهنا مجاراة نايف العبيد راعي بقعاء :

وآحالـي اللـي زايداتـن كروبـه=وقلبي تكسر مثل كسـر القـزازي
على الذي ياحمـود عنـي غدوبـه=أهل النمايـم والحكـي واللغـازي
أبوعيـونٍ كـل مـالـد صـوبـه=يخزّنـي ياحمـود بلخـاز بــازي
وشعرن يلامس يوم يقفـي كعوبـه=واعجاز ردفـه نابيـه بارتكـازي
مثل القحـوم اللـي تلاكـد جنوبـه=شقراء قحـوم ولا لقولـه مـوازي
ودي أجيلـه بـس فيهـا صعوبـه=لا شك من دونه حجاب وحجـازي
عسـرن حمـاه ومبهماتـن دروبـه=دونه بطانيـج وعـزاز وغـرازي
ماني مطـرّي عقبـه الحـب توبـه=خلاص قلبي عن هوى البيض جازي
[/poem]

[ALIGN=CENTER]وسلامتكم [/ALIGN]

[COLOR=blue]شاعر النخــوة

الشاعر / نايف العبيد العتيبي

( صحيفة عين حائل الإخبارية ) حصري [/COLOR]