[ALIGN=CENTER][COLOR=red]هذا زمان[/COLOR][/ALIGN]

[COLOR=blue]رابط القصيدة على اليوتيوب[/COLOR]

[URL]http://www.youtube.com/watch?v=G63M6ei4vlU[/URL]

[ALIGN=CENTER][flash=http://youtube.com/v/G63M6ei4vlU]WIDTH=500 HEIGHT=400[/flash][/ALIGN]

[poem=font="Simplified Arabic,5,blue,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هذا زمانٍ منه أنا صرت ضايق= لعن جدف ولد الحموله و وطّاه
وقتٍ عجيب ومقتفاته محايق= الذيب دنّق والثعل غز علباه
تبدّلت كل القيم والحقايق= الطير خاف من الخرب لا يتعشاه ؟!
لكن ياقلب العنى لاتضايق = مقامك أكبر والعفن لا تحــــراه
خلك طبيعي لو غدى الوقت عايق =العفن يامشكاي هذي سوايــاه
فزعت له يومه دعاك وتهايق =وطخم جمايلك القديمه بممحاه
راعي مصالح مكلماني وبايق =طبع الغدر والزيف والكذب مبـداه
في ساعة الشدة تشين العلايق =ويظهر لك الذيب الحقيقي من الشاه ؟
برّقت بالدنيا وشفت الخلايق=ولا لقيت اللي على الدين ممشاه
شروى سويلم من عزاز الرفايق= أبو حمود اللي قليل" حلاياه
صدوق صادق مايخون الوثايق= يضحك لي حجاجه ويضحك محياه
لاشبّت الهيجاء وثارت حرايق= بالخط أمامي ماتوانا مطاياه
مايخلفنّه لابسات الحلايق= يحفظ حقوق الجار ويعز من جاه
إذا طلبته حاجةٍ في دقايق=حضّر مطاليبي قبل لا تباطاه
وميض صيته مثل لمع البرايق=العود من طيبه على الطيب رباه
أبوه قبله للصعيبات تايق= وجوّد وصايا شايبه يوم وصاه
الله يبرهج له دروبٍ غلايق = ويخلّي عياله ويفرح بدنياه
[/poem]

[COLOR=red]وهنا مجاراة محمد الشريهي على القصيدة :[/COLOR]

[poem=font="Simplified Arabic,5,blue,normal,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لاتشتكي ياصاحبي لاتضايق = والحر في راس الطويلات مرباه
مايلتفت لاهل الدنع والدرايق = ولايلتفت للي رباعه ضعيفاه
ولا يلتفت في كل خاين وبايق = ولايلتفت للي خباثٍ سجاياه
لفعل الجمايل دايم الحر تايق = يفعل وما مدت يمينه بيلقاه
ويفعل ولا همه كثير اللفايق = ملفقين الهرج بالفه على لياه
المرجله رجم عسير الطرايق = ماياصله ياكود من طاق مرقاه
حتى ايش لو شانوا كثير الخلايق = وحتى ايش لو بارت رجال مسماه
وغير الاسامي ماتحفظ البطايق = الله يجيب العاقبه بالمعافاه
ولاكل حلافٍ يقول الحقايق = ولا كل غيمٍ مر دفق لنا ماه
يابو فهد لاتشتكي ولاتضايق = دنياء التقلب يستر الله من اتلاه
[/poem]

[COLOR=blue]شاعر النخوة وشاعر عين حائل الشاعر
نايف العبيد العتيبي
( صحيفة عين حائل الإخبارية ) خـاص [/COLOR]