[ALIGN=CENTER][COLOR=red]يالله دخيلك عن رداة النصيبي[/COLOR][/ALIGN]
[poem=font="Arial,4,blue,bold,normal" bkcolor="" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مع جيرة الله يا جماعة فلاحي = تحدروا مثل الجمال العزيبي
العصر مدوا فوق جيبٍ اضياحي= معهم ولد عمي ومعهم نسيبي
متواعدينٍ بين حزمٍ و ضاحي = بين البراك وبين حد الشعيبي
ريح الخزاما والنفل يوم فاحي = لا هب نسناس الهوا تقل طيبي
مده ولا مد اليدين الشحاحي = شيٍ مقدر والمقدر يصيبي
قام المطر يمطر ولا من أمراحي= الكل منهم يجتلد تقل ذيبي
الكل منهم ليلته ما استراحي= سردٍ وطردٍ لين غاب الرقيبي
لا من زهاب ولا من ارضٍ سماحي= ولا به من البلدان شيٍ قريبي
كود الشياول والطبر والمساحي= والليل ظلما والمطر له صبيبي
وعقب العشا لا شافوا البرق لاحي= قالوا تقدم واستغث يا خطيبي
واميرهم مع طلعة الشمس راحي = يبي يدور للنشاما حليبي
اقفى كما هفت خفوق الجناحي = يبي الشمال وراح يم المغيبي
ورجع معيفٍ فوق كوره يلاحي = يالله دخيلك عن رداة النصيبي
[/poem]
[COLOR=blue]
الشاعر .صالح الضبعان
" عين حائل [/COLOR]"
2 pings