انتهت مهلة أمانة منطقة حائل لإزالة البسطات من سوق برزان دون أن تخلي البائعات مواقعهن، وبدأت قبل قليل الأمانة في إزالة هذه البسطات بــ أكثر من 200 عامل نظافة وعشرات المعدات و بالتعاون مع الجهات الأمنية البسطات العشوائية في سوق برزان بعد ان أغلقت المحلات وخرج كفه المتسوقين وتم اغلاق جميع المنافذ المؤدية لوسط السوق حيث تم إزالة وتحميل جميع محتويات البسطات وأزاله جميع آثار هذه البسطات وقال المتحدث الرسمي لأمانة منطقة حائل سعد الثويني: وردت إلى أمانة حائل العديد من الشكاوى من أصحاب المحلات ومرتادي سوق برزان من البسطات العشوائية وقد تم عقد لجنة مشكلة لدراسة وضعها.
وأضاف: وقررت اللجنة تنظيم السوق وإلغاء العشوائية وإمهال صاحبات البسطات مهلة خمسة أيام تنتهي في وقتها المحدد يوم أمس الخميس، مشيرا إلى أن من لم يتقيد بالإزالة سيتم الاستعانة بمعدات البلدية لازالة ومصادرة البسطات وتغريم أصحابها وفق لائحة الغرامات المعمول بها , لافتاً إلى أن اللجنة كشفت عن أن بعض صاحبات البسطات يحملن جنسية غير سعودية والبعض الآخر يمتلكن مواقع أخرى في السوق الشعبي
بأكثر من 200 عامل نظافة وعشرات المعدات تم قبل قليل إزالة بسطات سوق برزان العشوائية بمدينة حائل
Similar contents
انطلاقة دورة أساسيات السكرتارية في لجنة تنمية حائل الاجتماعية ..
بالفيديو.. لأول مرة سليمان الراجحي يكشف كيف وزع ثروته وقيمة أوقافه المليارية عبر سناب شات
تعيين الإعلامي عيسى المسمار رئيسا للقسم الرياضي بصحيفة عين حائل
128 comments
128 pings
Skip to comment form ↓
الحمدلله
07/10/2016 at 1:44 ص[3] Link to this comment
الله يقطع رزقكم ويهد حيلكم اللي مالهن دخل ألا هو وقعتوه الله يجعلكم للمرض اللي ماله علاج
بساطه ..
07/10/2016 at 1:49 ص[3] Link to this comment
إلهي لكل من ساهم بالازاله انه يشوف اغلى انسان بحياته منقطع بحادث ويلمون احشاءه بكرتون قدام عيونه يالله ياكريم ياعزيز يامنتقم
نبض عين حايل
07/10/2016 at 1:56 ص[3] Link to this comment
ي لطيييييييييف ،،،، خبر سريع الانتشار ،،،،،،!!!
اهم شي المنضر وتوسعة الطريق .. عمل مميز في وقت مميز .
شكرا عين حائل
فارس
07/10/2016 at 3:11 ص[3] Link to this comment
لاحول ولاقوه الى بالله ياربي وش الحسد بحايل الناس وش الي صابه مافيه رحمه مافيه احساس لكن حسبي الله ونعم الوكيل
سالم
07/10/2016 at 3:12 ص[3] Link to this comment
عمل جباررر تشكر عليه امانة حائل
شكر عين حائل 👍🏻
سالم
07/10/2016 at 3:13 ص[3] Link to this comment
👍🏻👍🏻
محور ارتكاز
07/10/2016 at 3:25 ص[3] Link to this comment
حرام عليك وش ذنب ذا اللي تدعين عليه ليش ماتدعي على صاحب الفكره
صح انهم قطع رزقهم بس ماتدعي على اللي ماسوى شي
B
07/10/2016 at 3:40 ص[3] Link to this comment
الا ياملا الماحي للبلديه المعفنه جيدهم على الضعيفات ولا الشوارع اللي زي وجيههم مازينوه والدوارات حاطين لي رضمتين ناطليهن من لهن جبل قال ايش قال حضاره وجهود هلودعنا من جرف لدحديره
بساطه ..
07/10/2016 at 3:43 ص[3] Link to this comment
حرام ؟! ليش ماقال شيلهن وقطع رزقهن حرام هاذي اقل دعوه بحقه وان شاءالله بيشوفه بنفسه وباعز ماعنده دنيا واخره الله ينتقم لكل من له يد بالسالفه هاذي وتذكروا ان الله عزيز ذو انتقام وان الله يمهل ولا يهمل
بساطه ..
07/10/2016 at 3:51 ص[3] Link to this comment
لي الحق باني ادعي فيه احد منكم ياللي شلوتنا بيدفع اجار بيتي؟! الكهرب؟! مصروف عيالي ؟! بيجيب علاجاتي؟! انا اتحدا اي واحد يقوم باللي قايمه به انا لكن حسبي الله ونعم الوكيل الله يجعل ياكله مرض مانعرف حتى بتاريخ الطب ولايلقى له علاج واي احد شارك به اعرفو اننا انا وبناتي اللي كسرتوا قلوبهن اننا ندعي عليكم ندعي عليكم ومن قلب ولو صار بنا شي ماحنا حالينكم حسبي الله ونعم الوكيل
ام فخر
07/10/2016 at 4:05 ص[3] Link to this comment
حسبي الله ونعم الوكيل الليلة هلجمعه مقول الله القادر وغيره عجز
ام فخر
07/10/2016 at 4:06 ص[3] Link to this comment
الله يوريني قدرته الليلة الجمعه
الجوري
07/10/2016 at 4:13 ص[3] Link to this comment
المفروض هالقرار من زمان
الحكومة مخصصتلهم سوق كامل ومكيف ليه مايروحوله
مضيقين الممرات ع الناس وغير المنظر الي مخرب الدنيا
بساطه ..
07/10/2016 at 4:17 ص[3] Link to this comment
طيب انا مالي بالسوق الشعبي وسعوديه لو تبوني اجيب لكم بطاقتي الشخصيه جبته لكم ولاني مضايقه لامحل ولا احد متطرفه عن المشاكل والقيل وقال ومن بيتي لبسطتي ومن بسطتي لبيتي بس حسبي الله ونعم الوكيل لو اهقى ان طريق الحرام بيدفع مصاريف بيتي وعيالي انا بضحي بنفسي لعيالي المساكين لان حاربت وكافحت للقمة عيشي بالحلال وحاربونن وش اسوي مدام اجار البيت ازود على ضماني وادفعه والحين من بيدفع اجار بيتي المتاخر شلون اجيب فلوسه حسبي الله على الظالم والجاير
محايد
07/10/2016 at 4:35 ص[3] Link to this comment
فيه موقع اسمه السوق الشعبي النسائي ليه مايرحن له بدال هالمزبله
بساطه ..
07/10/2016 at 4:47 ص[3] Link to this comment
هم عطونا وقلنا لا ؟؟؟؟؟؟؟؟؟؟؟؟؟؟؟؟!!!!!!!! لو عطونا كان مااهنت نفسي وكرامتي لكل من هب ودب
ام فخر
07/10/2016 at 4:56 ص[3] Link to this comment
يالامانه منين يأكلون ومنين يدفعون الإجارة مقول إلا حسبي الله ونعم الوكيل يالامانه .
اكاديمي شمري
07/10/2016 at 5:45 ص[3] Link to this comment
لا حول ولاقوة الابااله اين اسستوموقع اخر لا هوليا امين مدينه حاىل /
غير معروف
07/10/2016 at 6:06 ص[3] Link to this comment
كان منضر البسطات عشوائي وسي ومسيئ للسوق وأصحاب المحلات التجارية مستأجرين بالوف وتأتي وحده تسكر على محله باي حق وبأي شرع وأغلب البسطات شغالات وأجنبيأت وهذا القرار له أكثر من 5 سنوات بالازاله احسن خبر تلقيناه وأما اللي يدعي فدعوته مردوده عليه لأنهن اذن خلق الله
كاتب صريح
07/10/2016 at 6:32 ص[3] Link to this comment
شكرا لاامانة حائل على هذا القرار
غريريه
07/10/2016 at 7:18 ص[3] Link to this comment
👍👍👍👍
غير معروف
07/10/2016 at 8:20 ص[3] Link to this comment
الامانه. عطتهم مكان مخصص لهم بس هم مو راضين باللعكس شي طيب ازالوهم. والله احيانا تجي تدور موقف. ماتلاقي. مسوين زحمة. وبعدين اللي يقول قطع رزقهم ياخي ماسولهم شي وشكرا. يامانه حايل
الحسود
07/10/2016 at 8:22 ص[3] Link to this comment
هذا المفروض هالتكارن وهالعبدات شوهوا البلد قالت البساطه المفروض سجن وجلد وبعدين المرأه تلزم بيتها وزوجها اللي يعمل وإذا مالها زوج ياخي تتزوج
فواز
07/10/2016 at 8:29 ص[3] Link to this comment
نشكر الامانه على هذا العمل الرائع وارجاع سوق برزان كما كان بترتيبه وجماله
فواز
07/10/2016 at 8:34 ص[3] Link to this comment
عمل رائع جدا
هليل المحيلان
07/10/2016 at 9:16 ص[3] Link to this comment
دام البلديه موفره مكان مخصص ومكيف ماعليهم ملام
ابن البلد
07/10/2016 at 10:06 ص[3] Link to this comment
يااخواتنا العزيزات هناك اكثر من وسيلة لطلب الرزق والرزق المكتوب سيأتي بعون الله ولكن والله انه منظر غير لائق وتشويه للمكان تقريباً لي اكثر من سنة ماجيت برزان الا الاسبوع الماضي لحضور صلاة جنازة فعلاً انصدمت من شكل البسطات وتخريبها لبرزان فأسأل الله لكن الرزق الحلال بأي طريقة كانت وبالنظام
وفقكن الله وشكراً عين حائل
نايف الشمري
07/10/2016 at 10:53 ص[3] Link to this comment
الله يقطع رزقكم
وين الأمانة عن شوارع الحفر والمطبات والنظافة ودوام الموظفين في الأمانة والتسيب الحاصل أين أنتم عن الأمور الهامة وقفت على البسطات يا امانة الفلس
ابو عذاري
07/10/2016 at 10:58 ص[3] Link to this comment
قرار صائب وفقكم الله ياامانة حائل
ازاله البسطات من سوق برزان
لما فيه تشويه لمنظر السوق وواجهات المحلات وضيق بمواقف السيارات.
قتديل
07/10/2016 at 11:22 ص[3] Link to this comment
لو يروحون بعد للي عند سوق الغنم سابقً حقات السمن ويدخلونهن السوق الجديد يكون احسن وشوله بانين ومتخسره الدوله ولا فيه احد
مدقشقر
07/10/2016 at 11:37 ص[3] Link to this comment
الحين البسطات بكل سوق بالعالم لازم تلقاهن هن ملح السوق وتجون انتم تشيلونهن عشان يصير منظر حضاري اذا يالبلديه تبون المنظر الحضاري زينو شوارعكم وحدايقكم ونظفو شوارع الاحياء بعدين يحق لكم تجون وتشيلونهن. للاسف حنا يا اهل حائل اول من ينفذ القرارات اللي تضر ابناء وبنات الديره واخر من ينفذ قرارات في مصلحت الديره….اتمنى من الاعلام اخذ حقهن لانه هو الطريق لمناشده ولاة الامر.
بعدين انت ياللي تقول السوق الشعبي مادري انت شفته واذا شفته كم شخص داخله ماعديتهم …للاسف ماهو سوق ولا عليه اشراف او شي يخلي الناس تدخله…
بعدين من اللي يبي يروح للسوق الشعبي عشان يشتري اكل او بزارات وهو ببرزان…
ابو عمر
07/10/2016 at 11:57 ص[3] Link to this comment
الذنب ليس ذنب البساطات الذنب من سمح لهن سابقن بفتح البسطات والحين يشيله المفروض من البدايه يمنعن عن بناء الخيام بالسوق
رهف
07/10/2016 at 12:05 م[3] Link to this comment
ياربي لك الحمد السراحه وسخن السوق
نوف
07/10/2016 at 12:18 م[3] Link to this comment
البساطة للي تدعي ع الموظفين مالهم دخل
وانتي مخالفه النظام لهن اكثر من سنتين وهم يقولون روحو السوق الشعبي وانتي مخالفه النظام ودعوتك ان شاءالله ترجع عليك لنك انتي الغلطانه يمال الماحي
ريم
07/10/2016 at 12:18 م[3] Link to this comment
من زمان وهم يقولون لهن رحن السوق الشعبي بس ماعندهن الا طول اللسان والرفض
غير كذا الزبايل اللي تحتهن والحوسه ولايهتمن بنظافه المكان، غير كذا اعرف منهن اللي عنده بسطتين وتوسعن وللحين مصممات على حركات المزبله والحوسه اللي بكل مكان.
وهذا قرار متاخر يابلديه حايل كان مفروض من زمان تشيلونهن
ريم
07/10/2016 at 12:21 م[3] Link to this comment
شي ثاني
اصحاب المحلات دافعين ايجار عشان المكان يجن بكل بساطه يعرضن حوستهن قدام الباب
ومره شفت وحده تتخانق مع موظفه بالمحل لان الموظفه عجزت تدخل من حوسه البساطه اللي حاطتهن بباب المحل
هذا تطفل واعتدا على حقوق الغير ومنظر غير حظاري ماشفنا مثله بالاماكن الثانيه
هبه
07/10/2016 at 12:21 م[3] Link to this comment
يجعل للي تدعي وتقول يمال المرض
يجعلك تبكين عيالك لا تدعين ع احد يمال الموت
وانتي ترا غلطانه هم فتحين لكم سوق شعبي وتدّعين وانتي مخالفه
ام عبد الله
07/10/2016 at 12:26 م[3] Link to this comment
صدق محد يقدر يتسوق من هالبسطات مشوهين منظر السوق ازين انهم شالوها
حايليه
07/10/2016 at 12:37 م[3] Link to this comment
عمل جميل في وقت مميز ذبحتنا الروايح والاوساخ لهن اماكن خاصه يرحن لها والرزق بيد الله ماله دخل بالمكان
بنت الشمال
07/10/2016 at 12:55 م[3] Link to this comment
وين تروحين من ادعيه الام الارمله اليتيمة
الحايلي
07/10/2016 at 1:11 م[3] Link to this comment
قطع الاعناق ولا قطع الارزاق
يبون يجبرونهم على الاجار ودفع ضرائب
الاسواق الشعبيه موجوده في كل دول العالم
الحائلي
07/10/2016 at 1:20 م[3] Link to this comment
الله المستعان
لعل السوق الجديد يكون إن شاء الله تعالى باب خير كثير ورزق وفير لكل بائعة
وتذكروا أن الرزق من الرزاق سبحانه وتعالى فأكثروا الإستغفار والصلاة على النبي صلى الله عليه وسلم
فهيد الخصر
07/10/2016 at 1:28 م[3] Link to this comment
🖒👍👍👍👍👍
من سكان حائل
07/10/2016 at 1:30 م[3] Link to this comment
جزاكم الف خير شكرنا والف شكرا البلديه
من سكان حائل
07/10/2016 at 1:31 م[3] Link to this comment
شكرنا ثم شكرنا
بريق اللماس
07/10/2016 at 1:41 م[3] Link to this comment
الحمدلله على عز الاسلام مافيه احد ينقطع رزقه المكتوب له راح يجيه بس هالفوضى الموجوده بالسوق هذا الرزق لا الدولهه ماقصرت بدون فوضي معجبهن ابتزاز الاجانب لنا انا كمواطنه اخلي اي عامل اجنبي ياجرن محل لبصطتي هذا هو التخلف والله المكتوب له من رزق الا ياصله بس تقول الحمدلله وان شكرتم لازيدنكم اشكر امانه منطقة حاىل وكل من شارك على الحمله وازالة المنظر الغييير حظاري
أبو محمد
07/10/2016 at 1:50 م[3] Link to this comment
جزاهم الله .. خير الجزاء … على توسعة شارع باب الصفاقات … شفنا الشارع قبل فوضى عارمة .. البلدية ماقصروا .. بلغوهم قبل الإزالة… احترام النظام والمواطنين … واجب ديني ووطني… أرض الله واسعة .. هناك بسطات تم تخصيصها من قبل البلدية.. السوق الشعبي … شرق سماح سنتر… لماذا التحايل على النظام… النظام فوق الجميع …..
سبحان الله
07/10/2016 at 1:51 م[3] Link to this comment
اللهم ياواحد ياجبار انك تجعلهم اجسامهم تتعبها الامراض ولايلقون له علاج اللهم انهم من خلقك ولايعجزونك اللهم اجعلهم عبره اللهم اجعلهم اسرى للاسره والمستشفيات اللهم ضيق عليهم انفاسهم اللهم عذبهم بدنيا قبل الاخره …..انتم يالبلديه مقصرين ولامره جيتو سئلتو ولافتشتو ولانظمتو أعترفو بخطاكم انتم مقصرين واذا على السوق الشعبي حاطينهن بوسط عمال وهن يبعن اكل يعني هندي يبي يشري ورق عنب ولاملفوف والله العظيم الاتشوفون دعاويهن تقول مصدر رزقي الوحيد وش تسوي تشحذكم مابكم خير ولارحمه حط امك بمكانه عز الله منت بخير
اااااا
07/10/2016 at 1:53 م[3] Link to this comment
طيب هاسعوديات اللي قعدن بالبيت
وإذا علئ الاجنبيات هاذا اهمالكم كم لهن يبسطن توكم تصحون واكثرهن مامعهن إقامه
كلمة حق
07/10/2016 at 1:59 م[3] Link to this comment
تصرف راقي ومن المفترض ان يحصل هذا الشيء من زمان
التميمي
07/10/2016 at 2:06 م[3] Link to this comment
الحمدلله والشكر
من الاخر ابوراس يدعم العمالة ضد المواطن
اكثر محلات برزان للعماله يملكونها طبعا تحت
متستر باع ضميره للاجنبي اكبر دليل ماراح تلقا
سعودي بالمحل جالس الا ما رحم الله
ابو راس طيب رح وشوف القصيم والمدينه شوف
التنظيم للاسواق وطبق مثلهم ماهو كل شي ازالة
سوق الغنم قشيتو كل شي طيب وش البديل حط
حضائر مثل المدينه والقصيم الحين قطعتو رزق ناس
بدون تعويض
حنا بحاجة الحكمة قبل التهور
وقرارت البلديه متهورة جدا
الله يعوضكن خير ويرزقن خير
غير معروف
07/10/2016 at 2:09 م[3] Link to this comment
معليش يعني صار ماتقدرين تمشين من البسطات وغير كذا اغلب البسطات يبيعون ملابس نسائيه داخليه قدام الناس والعالم لهدرجه مافيه حياء حتى المحلات العالميه مخصصه مكان لهذا النوع من الملابس ومايدخل فيه الا النساء بس عاد بعض البسطات مصختها والله وغير كذا لهم مكان مخصص ليش الفوضى ولا بعد المشكله حاطين لوحه انهم مانعين وغرامه لكل من يبسط وباسطين تحت اللوحه مدري وين النظام ويدعون المشكله التزموا بالنظام عشان مايجيكم شي وصلى الله وبارك ..
جان فالجان
07/10/2016 at 2:13 م[3] Link to this comment
يابساطة اتقي الله وراقبيه (مايلفظ من قول إلا لديه رقيب عتيد) وشو هالكلام ماتخافين ربك بعد كلامك هذا انا أؤيد البلدية وبشدة على ماقامت به هل انت بكامل قواك العقلية وانت تقولين (لو اهقى ان طريق الحرام بيدفع مصاريف بيتي وعيالي انا بضحي بنفسي لعيالي المساكين) أقسم بالله اني مستغرب من كلامك أشد الإستغراب!!!!! الرزق بيد العزيز الحكيم ماهو مخليك انت وعيالك وبعدين هم وفروا لكن أماكن في السوق الشعبي وبصراحة شديدة البسطات اللي امام المحلات يجب ان تزال لأنها تعيق الحركة وكذلك تمنع رؤية ومراقبة المحلات وقد تحدث جرائم لايعلم بها إلا الله وللأمانة البسطات فيها جانب تراثي جميل بشرط ان تكون بعيدة عن المحلات وأن تكون في مكان بارز واضح للجميع أنا شخصيا يعجبني منظر البسطات النسائية اللي عند سوق البقل خصوصا بسطات (العجز) لأن الواحد يلقى عندهن أغراض البدو مثل القرب والخصف…الخ وأذكر كل بساطة انها تخاف الله أقسم بالله العظيم كنت اعمل خارج حائل في منطقة ما وكان هناك شخص من أهالي المنطقة يقول انا ازور حائل واشتري من البساطة ام فلان لكن الله يهديها لسانها حلو ويقولها وهو يضحك لذلك مافيه داعي للخضوع بالقول عند الحديث مع الرجال انا ادري انه طبع في بعض النساء وهذه هي طريقة كلامها مع اقاربها وغير اقاربها لكن عليها مراقبة الله والإلتزام بقوله تعالى (ولايخضعن بالقول فيطمع الذي في قلبه مرض) يعني هي تتكلم بطريقة عفوية لكن اللي في قلبه مرض قد يفسرها بطريقة ثانية لانه مريض القلب الزبدة او الثمرة عند البيع على الرجال مافيه داعي لكثر الكلام الزايد هذا بكذا وهذا سعره كذا وانتهينا مع الإلتزام باللبس المحتشم.
خالد العديلي
07/10/2016 at 2:42 م[3] Link to this comment
الله لا يوفقهم المستفيد الاول هم التجار والعماله التابعين لهم
انا مع الازاله اذا طبقوا النظام كاملاً وليس جزئياً
عند تطبيق النظام واخراج العماله من السوق سوف تجد البساطات محلات للايجار ولا يكن بحاجه للبسطه
ولكن النضام فقط يطيق على الضعفاء
امرجوا العماله من سوق برزان كما هو موجود بالنضام واول من تطبقون بحقه هم اللذين اشتكوا البسطات لانهم المستفيد الاول والاخير من ذلك
وشكراً
عيسى
07/10/2016 at 2:43 م[3] Link to this comment
هم حذروكم تشيلو البسطات وعمل جيد من البلديه يوسعون لنا الله يوسع لهم
توجيه الى بساطه
07/10/2016 at 2:45 م[3] Link to this comment
اذكر الله رزقكم في السماء وما توعدون مااحد يقدر يقطع رزقك ابد خلي ثقتك بالله ماهو اخر الدنيا والمصايب انك تشال بسطتك صح ظروفك صعبه وحنا معك ماحنا ضدك وجزاك الله خير اللي قايمه بيتك وعيالك واتمنى تشوفين الطريقه اللي تناسبك على شان ايجار وباذن الله اللي يدورون فعل الخير واجد
ام محمد
07/10/2016 at 2:54 م[3] Link to this comment
السوق الشعبي يبي أجار منين يدفعون بس نقول حسبي الله ونعم الوكيل
عن بساطات حائل
07/10/2016 at 3:00 م[3] Link to this comment
حسبي الله عليكم يوم الجمعه اللي تقبل فيه الدعوه الله ينثركم مثل مانثرتوا بضايعهن وين تبونهن يسكنن بخيام مثلا طيب من يدفع اجارهن من يعطي عيالهن فسحه يوم الاحد
الراجيه عفو ربها
07/10/2016 at 3:03 م[3] Link to this comment
الله يبدلهن بأخير منه ، البلديه ماقصرت جزاها الله خير حطت مكان لهن وانا اشوف برزان صار ضيق حييل وبسطات عشوائيه ، ورزقكن اللي الله كاتب لكن بيجيكن بأي مكان بس الدعاء مايجوز ياخواتي منظر برزان صار مقرف
محمد الحربي
07/10/2016 at 3:09 م[3] Link to this comment
بالعكس شوهن منظر السوق وغطن على المحلات وش ذنب أصحاب المحلات وبعدين هناك سوق قريب سوف يكون خاص للأسر المنتجة وجدا منظم تحت إدارة جمعية دليل للعمل الحر
ابو صالح
07/10/2016 at 3:11 م[3] Link to this comment
الدولة ماقصرت حطت لكم السوق الشمالي والسوق الجنوبي ومجهزته لكم من ناحية الترتيب والتكييف وبعدين اغلب راعيات البسطات من الجنسية الافريقية والعربية
وش دنب راعيين المحلات يدفع ايجار فوق المائة الف وتجي وحدة تسكر عليه ببسطته قبل شهرين احترقن ثلاث محلات بسبب البسطات تطبخ بالبسطة وشبن البسطة والمحلات اللي قدامه
اكثر من مرة لوحظ من الجنسيات العربية والافريقية في البسطات ووجدن في وضع غير اخلاقي
احب حايل 😍
07/10/2016 at 3:16 م[3] Link to this comment
السلام عليكم ورحمة الله
احب حايل 😍
07/10/2016 at 3:16 م[3] Link to this comment
السلام عليكم
فهد
07/10/2016 at 3:30 م[3] Link to this comment
الحمدالله ع كل حال
حايلي
07/10/2016 at 3:33 م[3] Link to this comment
اول شي شكرا امانة حائل
ثاني شي البسطات مضايقة المسلمين ولاواحفظ الموقع للبسطات حطو لكم محلات اجمل واحفظ وتم التنبيه اكثر من مره على البسطات والبيع العشوائي الواحد يبي يوقف سيارته ينزل اهله مايقدر من البسطات وماقطعو رزق احد حطو لكم محلات وموقع والناس بجونكم بمحلاتكم هذا السوق الشعبي اللي قدام برزان كلن يجيه وشغل مرتب ويحفظ البضاعه انا من وجهة نظري عمل جبار قامة به امانة حايل والمفروض من زمان والرزق على الله
الله اكبر
07/10/2016 at 3:34 م[3] Link to this comment
ابد يالبلديه وسعو لسيارات وخلوهن يلقن مواقف لانهن المسيكينات السيارات يصرفن ع عيالهن ويدفع الاجار السياره اهم من الانسان
احمد العنزي
07/10/2016 at 3:35 م[3] Link to this comment
الي يبي حرام يلقى والي يبي رزق يوصل لبيته ويام بساطه انتي تطبخي او تبيعي ملابس عندك ستقرام اعرضي فيه عندك توتر وانا انوقع لو تروحي للبلديه وتطلبي محل يعطونك وااذا ماتقدري انا بساعدك وروح اطلب محل لك
لحظة تأمل
07/10/2016 at 3:40 م[3] Link to this comment
انتظرو قرار العزيز الجبار بالثلث الاخير من الليل من قطع رزق هولاء الضعيفات !!!!!! مو كل قرار صائب
سرور وحبور
07/10/2016 at 3:48 م[3] Link to this comment
الوضع جداً عادي والمفروض من زمان متخذين هذا الاجراء مع ذلك لابد من توفير مكان للاخوات الي تضررن
مواطنه
07/10/2016 at 3:55 م[3] Link to this comment
اخيرااااااااااا. المفروض من مبطي شايلينهن
اصلا وش يحل المكان لهن يومهن ياخذنه ويبسطن بوووه هذا شارع من حق الجميع وهن تعدن على حقنا ولو نبي ندعي عليهن لنا الحق . يعني بسطاتهن كل هالسنين حرام بحرام سارقات المواقف ومضيقات الارصفه
واللي يبي يشتغل بالحلال يستاجر كشك ولا محل ولا يبيع ببيته ماهو ياخذ شي ماهو له ..
مجول
07/10/2016 at 3:59 م[3] Link to this comment
عساء ان تكرهو شي وهو خير لكم
الله يرزقهنً من واسع فضله ويغنيهنً
بحلاله عن حرامه
سالم
07/10/2016 at 4:12 م[3] Link to this comment
افضل عمل الازاله لنه منظر فاشل والمفروض من سنين ملفينه اللي يبي يفتح محل ضغير على الاقل الاكل نضيف 👍
الغند
07/10/2016 at 4:18 م[3] Link to this comment
احلى شي سويتوه وان شاءالله مانشوفهن غير ماشفناهنماقصرو الضمان وماقصرو
الغند
07/10/2016 at 4:21 م[3] Link to this comment
احلى شي سويتوه وماقصرتو ، واللي يشكون فيه شي اسمه ضمان اجتماعي وجمعية خيريه توصل لناس حتى بضواحي مو مدن . وفوق منه لكم سوق شعبي مخصص ، متنااا وحنا نتخمع ونرقا اللدراج عشان نوصل لمحل عنا متر والسبب بسطه؟؟؟ ماقطعو رزق احد الا لانه متعدي .. وياليت البلديه مايهملون الموضوع بعد اشهر ونشوف احد راجع
راعي حق
07/10/2016 at 4:37 م[3] Link to this comment
البلديه معطيه مهله باخلاء المكان وفتحو سوق كامل شعبي للتبي تترزق الله ماقطعو رزق اي بساطه
انا اشوف بالعكس ترتب المكان وصار نظيف
والله يالبسطات ماتجمع الا البسسه والخشب والمزبله
بس السوق الشعبي حاطين لكم اماكن تبيعن فيه
بس لانو يدرن ان برزان اكثر ربح من السوق الشعبي مايبن يرحن هناك
الله يرزقكن ويكثر من خيركن يارب بس النظام نظام
ساره الغرير
07/10/2016 at 4:44 م[3] Link to this comment
نشكر أمانة بلدية حائل على إزالة و تنظيف سوق برزان من زبالة البسطات التى تعرقل وتضايق جميع المتسوقين لأنه منظر غير حضاري
ساره الغرير
07/10/2016 at 4:51 م[3] Link to this comment
مع الشكر والتقدير لبلدية حائل على إزالة زبالة البسطات التى يما سببت بعرقلة المتسوقين لأنه منظر عشواىو غير حضاري
الشمري
07/10/2016 at 5:14 م[3] Link to this comment
افضل قرار وتشكر الامانه على تجاوبها
حايلي
07/10/2016 at 7:21 م[3] Link to this comment
زمن الضرائب الله يستر من اخرته
غير معروف
07/10/2016 at 7:38 م[3] Link to this comment
يازين هلشيله
مناور السويدي
07/10/2016 at 8:47 م[3] Link to this comment
الله يقطع رزقك يالي امرت با الازلة وش تبي بها المسكينات يترزقن الله ياويلك من دعوة المظلوم قية وحدة با المقطع في سبق قلبي يرجف ونا مالي دخل من دعاها ليلة ها الجمعة ع الي امر با الازالة دعوة من قلب الله ينتقم منك بجاة سيدنا محمد صلي الله علية وسلم الله يقطع رزقك مثل ما قطعت رزق ها الظعوف حسبي الله عليكم وين الامير عن ها المهزلة من قبل 10 سنين ياسمو الامير طال عمرك ومافنا منهن لاخير ولا شر يكدن ليل نهار بالشموس واخر شي يجي واحد قلبة حجر ويزلينهن ولا باليل اخص يا نجس اخص يا خسيس قسم انة عمل جبان قسم انة عمل لا يرظي ربنا سبحانة قطع الاعناق ولا قطع الارزاق
ابو جوري
07/10/2016 at 9:00 م[3] Link to this comment
سالم تشمت انة شالوة بساطات وابو هنود وابو يمن ع كيفة تخسي انك سعودي او من اهل حايل حايل تكرمعنك يا حثالة حسبي الله عليك الله يقطع رزقك عشان تحس بمعانتهن كلهن ارمل اتقي الله لاتصيبك دعوة احدهن لانهن مظلومات
سعود العلي
07/10/2016 at 9:03 م[3] Link to this comment
الجوري ورا ما تكلين تبن وتسكتين يا جوري لو يقوفون راتبك مع اشك ان لك راتب شكلك شغالة اتحدك تسكتين والله لتلطمين خد بخد يمال الماحي
بدر الوبيري
07/10/2016 at 9:12 م[3] Link to this comment
أقول حسبي الله عليكم جيدين على المساكين الي باسطات يترزقن الله الله ليوفقكم جعل كل من ساهم بالإزالة يبلاه الله وصاحب الفكرة جعله يشوفه بعياله الي يبي يقطع أرزاق الناس
رورو
07/10/2016 at 9:39 م[3] Link to this comment
كان بهم جود يشوفون طريق جبه تقاطع النيصيه وتقاطع اكبرخطرتقاطع قرية نقبين ليش مايجون يضبطونه البلاديه اوجودهم بقطع الرزق
ترنيدو
07/10/2016 at 9:46 م[3] Link to this comment
والله ماقصروا البلدية حاطين لكم موقع محلات مكيفه. ونتم الله يهديكم سكرتن على المحلات ماعاد نشوف المحلات من خيامكن وشوهتن منظر السوق غير انكم مضيقات على السيارات والمتسوقات. ارجوا تقبلوا رايي بروح رياضية
محند
07/10/2016 at 9:57 م[3] Link to this comment
علي البلديه ان تراقب الموقع حتي لايعدن لان منظر غيرحصاري اضف انهن ضيقن الشلرع وسكرن علي المحلات والمواقف واكثر البيعات شغلات اللي يبي الرزق يبسط مبسط الحريم
فارس
07/10/2016 at 10:40 م[3] Link to this comment
اشوف التجار شكاوي عليهم يزودن باالادوار المسموحه ويكشفون بيوت الناس ويضايقونهم اشوف لا الامانه ولا الامين سواء شي بس المساكين الي مالهم ظهر يتقاوو عليهم ويجيك ناس يقول هذا القرار سليم ماجربت العازه والى ماكان قلتو هذا الكلام
شليويح المزيون
08/10/2016 at 12:41 ص[3] Link to this comment
ويش يبون في المساكين حسبي الله عليهم
فلها وربك بيحلها
08/10/2016 at 12:45 ص[3] Link to this comment
الله يرزقهن يارب برزق ما حسبوا له ويفرج كربتهن ويرحم ضعفهم //يا عين تكفوووون شوفوا لنا حل يااعلامنا الهادف المميز أسعار المطاعم في غلا وأسعار مرتفعة حييييل الدجاج نازل سعره والذبايح كذلك وبعد النزول زادت أسعارهم واكيد الجميع يعلم شوفوا لنا حل جزاكم الله خير وشكر سعيكم
بساطة بهارات والرزق ع الله
08/10/2016 at 12:52 ص[3] Link to this comment
اللهم اكفني بحلالك عن حرامك #الحمد لله على كل حال وقدر الله وماشافعل تفالوا بالخير تجدوه عليكم بالاستغفار والتوكل ع الله وكل إنسان يأكل اللقمه المكتوبه
المفك
08/10/2016 at 1:02 ص[3] Link to this comment
انا لله وانا اليه راجعون ياحب هالخلق لقطع ارزاق المسلمين لا والمصيبه نقطع رزق الخلق ونرفع يدينا لله ندعيه وحنا مخربين على المسلمين
واصحاب المحلات ليه يوم يشتكون يعني هذولا هم اللي مانعين الزباين لا يشترون منهم لاوالله ماغير حقد وحسد وخباثه الله لايسلط علينا غضبه
المفك
08/10/2016 at 1:05 ص[3] Link to this comment
لايامسلم ماهذا الا موظف مأمور ماله دخل ماغير ينفذ الاوامر وان مانفذ انطرد من وظيفته عين من الله غير واذكر ربك ولاتدعي على المسلمين سواء لهم دخل اولا لهم رب فوقهم رايح يحاسبهم على اعمالهم
الوطن غالي علينا
08/10/2016 at 1:55 ص[3] Link to this comment
وجهه نظر ،،
شكرا للبلديه وماقصرت خصصت لهم الكبره بجنوب السوق وتواجدهم بالطرق غير حضاري ،، ويضايق المحلات اللي مستأجر بالاف ومسكرين الشارع عليهم بالبسطات حتى المتسوقين مايقدرون يمشون على الارصفه الى الامام والله يوفق الجميع
رورو
08/10/2016 at 1:58 ص[3] Link to this comment
الراقيه
رورو
08/10/2016 at 2:03 ص[3] Link to this comment
والله المفروض من زمان وذي خطوه جميله 👍يشكرون البلديه عليها
بدر الشمري
08/10/2016 at 3:30 ص[3] Link to this comment
السلام عليكم
اولا البلديه ماقصرو عطوكن مهله ٥ ايام عشان ترتبين وضعك في الاماكن المناسبه لكن وحنا معكم وليس ضدكم ولاكن البسطات شوهن المنظر والاوامر هذي ماتجي من فراق كيف حريم بوسط اجانب فيهم الصالح والطالح شئ مخزي للاسف والبلديه مشكوره ماقصرت على هذه البادره الطيبه وازالت البسطات الغير حضاريه والجهات الحكوميه المشاركه بهذه الازاله لاتنظر من عين واحده بل من عيون كثيره منها على سبيل المثال التنظيم والترتيب لاماكن البيع والشراء والاختلاط الغير لائق ممايسبب لضعاف النفوس شئ غير جيد كذلك الاهم من ذلك هو الاجراءت الاحترازيه والامنيه لذلك … كفيتو ووفيتو ايه الجهات الرسميه
ام فخر
08/10/2016 at 7:57 ص[3] Link to this comment
الله بالمرصاد يصيد ماينصاد وحسبي ونعم الوكيل ان شالله يشوفه بنفس بعياله الله يمهل ولايهمل
سعودية وأفتخر
08/10/2016 at 8:07 ص[3] Link to this comment
يملين العافية على الرأي الصواب
ابو عمر
08/10/2016 at 9:41 ص[3] Link to this comment
سؤال لو نبسط قام السوق الشعبي حق الحريم ببزارات وبقل و كليجا مان كل طوابقهن براسك منهن وهن الحين مقفلات واجهة المحلات ويدعن ويمل ويمل لا والله يمل اللي يلوي لسان الوحده حتى تشخر وتذلف تدور له محل كل السوق صار ريح صراير ههههه
هلاليه
08/10/2016 at 11:22 ص[3] Link to this comment
اساسا وش كانن يبيعن ما اشوف شي مفيد ولا عمري شريت منهن مسويات زحمه والشارع فاضي البلديه ما قصرو خصصو مكان خاص لهن بس العناد وش يسوون اكثر ماقصرت الدوله معطيتهن حقهن روحن السوق الشعبي وشو له الزباله والزحمة
حايليه اصيله
08/10/2016 at 12:06 م[3] Link to this comment
والله العظيم أن برزان هالاجانب سارقينه والمحلات لهم والسعودين بايعين اسمايهم للعماله نبي تنظفون برزان من العماله فيه عمال إقامتهم سواق وقاعد يبيع بمحل ومو حق كفيله اشخلوهم مثل هالمسكينات طيرتوهن بااسبوع
ابرراهيم
08/10/2016 at 12:21 م[3] Link to this comment
عمل جدا ممتاز من امانه حايل ‘ بس هذولن يبيعن ويترزقن الله مالهن مكان غير هذا مايقدرن على ايجار المحل ‘ يدورن لقمه العيش لهن ولوغدانهن والله شي جدا مولم ‘ فاكات خيرهن وشرهن المفروض مازالوهن وقطع الرزق شي لا يوصففففف .
غير معروف
08/10/2016 at 1:47 م[3] Link to this comment
ام خالد
ام خالد
08/10/2016 at 1:47 م[3] Link to this comment
جزاهم الله خيرا فعلا البساطات يسببون ضيق وازعاج للماره
غير معروف
08/10/2016 at 1:56 م[3] Link to this comment
جزاكم الله خير يالبلديه….فيه مكان خاص لهن ويجن يبسطن بالسوق وحتى الكراسي عليهن بضايع لهن وضيق كل الاماكن …..الحمدلله هالحين نحس بشي مرتب ونظيف وانشراح 😚
حايليه
08/10/2016 at 2:03 م[3] Link to this comment
شكرااا على هذا الانجاز….الان نظفت الشوارع وترتب برزان منهن ضايقنن حتى الكراسي عليهن بضاعتهن الرزق بيد الله باي مكان والبلديه ماقصرو حطو لكن مكان ترزقن الله وكل وحده له بسطات وحاطه شغالاته ومشغله حريم وش هالفوضى.. والى الاامام ياحايل واتمنى لك التقدم …ومحد يقطع رزق احد بلاى تخلف والفاظ سيئه …شكراا الف شكراا عين حايل👍
حايليه
08/10/2016 at 2:23 م[3] Link to this comment
شكرااا عين حايل…..شكرا امانه منطقه حايل….الف شكر يابلديه……على الانجاز الرائع….برزان طلع بازهى منظر واجمل شوارع
اااااا
08/10/2016 at 3:53 م[3] Link to this comment
افهمو ياناس ماعطونا محل بسوق الشعبي كل وحده من الحريم له اثنين ولاثلاثه هاذا اول شي واذا تقولون انهن شوهن المكان لان ماعليهن رقيب كم لهن باسطات فيه احد جاء وفتش عليهن ولاقال ليه وسخات ولا اعطينا شهاده صحيه علشان الطبخ؟؟؟؟؟؟؟؟؟مافيه احد نظموهن وخلو كل وحده تفتح مبسط واحد بس وشيلو الاجنبيات وشوفو وش لون يصير لأن بكل العالم لازم تحصل بسطات بس الحل ماهو الشيل الحل التنظيم
وبعدين ياللي تقول الدوله ماقصرت حطت لكن محلات ترى حتى المحلات بالواسطه واللي ماخذت المحلات اكثرهن لهن رواتب ولا له احد موظف ؟؟؟؟؟؟،لاكن اللي ماله دخل ألا البسطه وش تسوي تموت ولاتشحذكم ؟؟؟؟؟؟؟ هاذا دور البلديه المفروض تنظهمن وتتأكد من حالهن ؟؟؟؟؟؟؟؟؟؟؟ اعوذ بالله من هادنيا انقطعت الرحمه من قلوب البشر شي يحزن ويقطع القلب
حايل دياري
08/10/2016 at 4:08 م[3] Link to this comment
يامواطنه حنا مانقول نبي نملك برزان لوينقطع رزقك تعرفين الوجع ماسكه هالجوال وتدورين العلوم ماقصرنا قلنا رتبونا وفتشو علينا لاكن هم المهملين لاتحسين بشي ماتعرفينه ولاتاخذين الحتسي من اخره طيب والدعاوي والله بندعي وندعي لما ربي يفرحنا بأستجابته والرصيف والطريق ماهو لتس للدوله عسئ ربي يعزه الحمدلله اللي رزق ماهو بيدين الخلق ولاكان علووووووم اعوذبالله يالحسد والغيره اعوذ بالله
اخاف رجالكن ياخذون من اكلهن هههههههههههههههههههههههههههههههههه واضحه الغيره
اااااا
08/10/2016 at 4:09 م[3] Link to this comment
نوف وش اللي حارتس خليهن يدعن لانهم قطعو رزقهن وهاذا اقل شي يبون يلقونه ماجربتي القهر والظيم علشان تعرفين حاطه يدتس على خدتس وتنتقدين
حايل دياري
08/10/2016 at 4:11 م[3] Link to this comment
اللي يقول لهن ضمان وش يسوي الضمان لازم تزوده علشان تسد الايجار وتراهن متحملات مسئوليه تخلت عنه رجال طيب فكرو شوي كلن يفكر بنفسه وبس
؟؟؟؟؟
08/10/2016 at 4:13 م[3] Link to this comment
وش دراتس ان لهم اكثر من سنتين يانوف ههههههههههههههههه اخافتس حديهم الماحي اللي يمحاتس ياقليلة الادب لوفيك ذره من الاحترام ماغلطتي على عجز كبر امك
......
08/10/2016 at 4:15 م[3] Link to this comment
هبه عساك تدورين رزقك ولاتلقينه علشان تعرفين معنئ قطع الرزق
********
08/10/2016 at 4:22 م[3] Link to this comment
ليه تحسوووون عن البلديه ماله لسان تدافع عن نفسه
هم غلطانين ومقصرين الحريم كم لهن باسطات ولاواحد فتش عليهن اوحاسبهن على شي وش تبوووون يصير بالله واكثر اللي باسطات مالهن إقامه اكثرهن اجنبيات نظمو بناتنا وامهتنا بس ……..
وعمر بن الخطاب رضي الله عنه قال (لوكان الفقر رجل لاقتلته) والرسول صلى الله
عليه وسلم وش قال(أستوصو بنساء خير)(رفقا بالقوارير )هذوالي امهتنا تبونهن يشحذن عند المساجد مايكفي انهن بالحر والبرد قاعدات ومن تعبهن يجبن لقمتهن والدوله داعمتهن هاذولي الاسر المنتجه تراكم تبون تاقفون بيد العزيز الحكيم وش تردون على دموعهن ودعاويهن
......
08/10/2016 at 4:23 م[3] Link to this comment
اكثر الردود وغدان هههههههههههههههههههههه
بسمه الشمري
08/10/2016 at 4:33 م[3] Link to this comment
وش بهم هالناس عليهن لهدرجة قاهراتكم يحول جيدكم على اللي يجبن رزقهن بالحلال ولا مايجوز لكم هالعمل واضح بعض الردود مايدرون وين ربهم حاطهم شكلهم ماتعدو ال 20 الله يشفيكم بس وووويارب يرجعن ان شاءالله وانتم اتحدتوا على اللي تدعي خلوه تدعي وانا بأمن معه وهالبلديه شكله بس مسمى مانشوف شوراع زينه ولا اشوف بوه معالم حضاره ياأهل الحضاره
بوو
08/10/2016 at 5:31 م[3] Link to this comment
نسأل الله السلامه والرحمه
كثير من الردود يقولون البسطات شوهن المنظر العام والبلديه تحاول تحسن المنظر العام. باعتقادكم هل الشوارع او حتى المطبات او حتى الدوارات الي تتبع للبديه حسنت المتظر العام انا استغربت بوجود عماله للبلديه تعمل في الفجر. مع انه عند تصليح او انشاء حفره في الشوارع يبدا شغلهم في عز الزحمه.
اما البسطات الازاله ليست حل انما الحل هو وجود مشرف للبسطات وارقام للمواقع وتنظيم وبشكل منظم وذللك لان السوق الجديد للسوق الشعبي لا يخدم البائعات او حتى المشترين
نقطه اخيره للي يقول المرأه مالها الا البيت وزوجها استغفر ربك الفقر قلب حال شعوب باكمله الفقر شتت قبائل و دول اتق الله لان راعي البقاله. مايعطي بلاش
حايل دياري
08/10/2016 at 9:09 م[3] Link to this comment
الله يرزقكن من واسع فضله أن شاء الله ترجعن حنا بدوله محكومه ماهي علئ كيفهم إن شاء الله الامير سعود مايقصر معكن وينصركن
غير معروف
08/10/2016 at 10:14 م[3] Link to this comment
لويش تشكرهم عليه قطع رزق المواطن على شان يسترزق الاجنبي
شيهانه
09/10/2016 at 12:08 ص[3] Link to this comment
لاتدعون الملائكه تقول ولكم بالمثل استغفروا الله
هلاليه وافتخر
09/10/2016 at 1:27 ص[3] Link to this comment
ياجماعه الخير ماتحسون انه البلا كثر علا المسلمين ادعو واستغفروا لعل الله يرفع عنا وَيَا اخوات والله حاسه فيكم بس روحو السوق الشعبي انضف وارتب والرزق بيد العزيز الحكيم
غير معروف
09/10/2016 at 7:31 ص[3] Link to this comment
شي يشكر عليه أمانة حائل الا متى وحائل منظر وصخ أناس وصالو للقمر وأنتم كل مالكم تنزلون شوفو الديار الثانية وش لون الاسواق عندهم
قلم حائل
09/10/2016 at 9:34 ص[3] Link to this comment
لا حول ولا قوة إلا بالله
حسبنا الله ونعم الوكيل
لا حول ولا قوة إلا بالله
حسبنا الله ونعم الوكيل
لا حول ولا قوة إلا بالله
حسبنا الله ونعم الوكيل
وللمعلومية :
تمت أزالة هالبسطات كله علشان ماعليهن رسوم من البلدية
وأذا راحن للمقر المزمع من قبل البلدية سوف يفرض عليهن رسوم أيجار للموقع
يعني السالفة كله ما يبون هالعجايز يرتزقن بدون مايدفعن رسوم .. !!
درباويه والحلا ميه
10/10/2016 at 3:34 ص[3] Link to this comment
دخول مفاجئ. احس حرام يقطعون أرزاقهم 🤔
مواطن
10/10/2016 at 8:26 ص[3] Link to this comment
الله يعطيهم العافيه المفروض من زمان يصير هالشي مابقي الا يبسطن بنص الشارع وهذا غير الممنوعات الي تباع بالبسطات وانتشار الاجانب الي يملكونها
اااااا
10/10/2016 at 4:22 م[3] Link to this comment
يامواطن وش دراك انوه يباع ممنوعات
الحجاز
12/10/2016 at 12:28 ص[3] Link to this comment
الحين اقدر اخطبها مرة ثانية البنت كانت معكرة الزواج بسبب البسطة حقت امها رافضة تزوجني بنتها